உலர்ந்த முத்தங்கள்

ஆசை ஆசையாய்
நான் பாதிக்கும் முத்தங்களை
கூடலுக்கான சமிஞ்கை என்றே
எப்போதும் அர்த்தப்படுத்திக்கொள்கிறாய்

மொழிபெயர்க்க முடியாத
என் சோகங்களின் பதிவாகவும்
கரை இல்லாமல்
தறிகெட்டு ஓடும்
என் சந்தோஷங்களின்
பதிவாகவும் சமயங்களில்
என் மாதாந்திர உதிரப்போக்கின்
வலிகுறைக்கும் யுக்தியாகவுமே பதியப்படுகின்றன
என்னின்  பல  முத்தங்கள்

பல அர்த்தங்களும் ஆசைகளும்
பொதிந்த ஈரத்தில்
எப்போதும் ஒரேயொரு
அர்த்தத்தை மட்டும்
 நீ தேடுவதால் பல நேரங்களில்
என் ஆசை முத்தங்கள்
ஈரம் அற்றே பதியப்படுகின்றன
வலி கலந்து